يا قَـلْبـي يَكْفي ، ما جَرَا لَكْ وَيَكْـفيك
أنتَ الْـسَبَب فـــي كُل أمــرٍ جرا لي

كُـثرَ الْبـُكا وَالْـنَّوح ، يا قَلـْب يِشْـقيك
تَبـكي عَلَى مَنْ بات , يَضْحَك وَسَـالي

مــا كُلِ مَنْ يَضحَك ، يحِـبَّـك وَشَـاريك
ولا كُـل مِنْ حَبـَّك ، بِسِـعَـرَك يـغـالي

ولا كُل مَنْ تـهـواه ، يُصــونَك وَيَـغْـلـيك
يرخِصْ غَــلاك ويبيـع ، لو كـُنتْ غــالي

بالأمسِ كُـــنتَ الأوَلي ، والنَّــاس تالـيك
واليــوم يا للأَسَـف ، أصْبَحــت تــالي

يـا قَلــْبِ مَنْ تِـهـواه أَصـبَحْ مجـافيك
باعَـــك ولا فــَكّــر ، بمـاضـي الليَّـالي

النَّـار تصلى وسط جــــوفـي وتصلـيك
مَـن حـيَـرتـي أمـشي , أناجـي خيـالي

ياهـي خَسَارَة باعني ، وبَـاع مـاضـيك
مـا صَــان حُـّـبـي ، ولهفـتـي وانشغـالي

باعَك جُفـــاء وَقَد شِرِب ، عَـذبْ صافـيك
وشــافَ الـسَّعـادة ، في عـذابـي وَنكَـالي

يا مـــــا ابتِسامَــة ، مِنْ شِـفاتـَه تِسَلـّيك
تـنـســى بهــا أحْــمــَال ، ثـُقــلَ الجِـبَـالِ

مـا كـان يَخْـطُر، آخـر الـــــوَقـتْ يجفيك
ولا كُـنت أصـــدق , إنَّ حُـــبُّـه تسـالي

يـا قَلبِ ما فَكَّرت ، في دُروبَ المهالـيك
أبَـلَـيَـتَـنــي في عِــشْقِ , مَـنْ لا يــُبَـالي

مَنْ يَجْـرَحَــكْ يا قَلْب ، صَـعْـبه يـداويك
زادَتْ جُـروحـي وضـاع ، مِنـَّي احْـتِمالي

يـــا مـا انتظـرتْ ، بِنظْرَة العـين يَعطـيك
بَعضَ الأمَــــــل إنَّك ، عَـــزيزٍ وغــالـي

غـريب هذا الـوقـت ، أقرب الناس يغريك
حتى الصَّـراحَة غـــــدت، حِيلَةٍ وَاحتيـالي

اضْحَك وَجَـامِلْ، وَارْضيَ النَّـاس تِرْضيك
بـالـكِـذبِ وَالـتْمـثـيــل ، تـِصـبـِحْ مـِثَـالي

قــُلْ لِلـذَّي بَكَّــــاكْ ، اللّــــه يجـــازيك
دَعــهــــا تَـرى الأيـــام ، تَمـشـي دوالـي

يا قَلْـبِ لا تَأســــى ، علـى مَنْ يُبَكّـيك
طَـــبـعـي الصَّراحة،وَالوَفـا مِنْ خِصــالي

يا قلـبِ لـولا الصـــــدق ،مـا كان أرثيك
أَهــــوَن عَـلـــيّ بِالصِّـدق ، أحـيا لِحـالي